ભરૂચ,
ભરૂચ જિલ્લા કોંગ્રેસ સમિતિના પૂર્વ પ્રમુખ પરિમલસિંહ રણાએ પોતાના જન્મદિવસની ઉજવણી ખૂબ જ સાદગીપૂર્ણ અને સેવાકીય કાર્યો સાથે કરી હતી. આ ખાસ અવસરે તેઓએ ભરૂચ સ્થિત પાંજરાપોળ ખાતે આવીને ગૌ-પૂજન કરીને પોતાના દિવસની મંગલમય શરૂઆત કરી હતી.
ગૌ-સેવાનો સંકલ્પ અને આર્થિક સહયોગ
પોતાના જન્મદિવસને સેવાના ઉત્સવમાં બદલતા પરિમલસિંહજી રણાએ ભરૂચ પાંજરાપોળમાં આશ્રય મેળવી રહેલી હજારો ગૌ-માતાઓની સેવા અને નિભાવ માટે રૂપિયા ૧,૦૦,૦૦૦/- (એક લાખ રૂપિયા)નો અનુદાન ચેક સંસ્થાના ટ્રસ્ટીઓને સુપ્રત કર્યો હતો. આ સેવાકીય કાર્યક્રમ દરમિયાન તેમની સાથે ભરૂચ જિલ્લા કોંગ્રેસ સમિતિના વર્તમાન પ્રમુખ રાજેન્દ્રસિંહ રણા, ભરૂચ નગરપાલિકાના સભ્ય જીગ્નેશ બ્રહ્મભટ્ટ તેમજ કોંગ્રેસ પક્ષના અન્ય અગ્રણીઓ અને કાર્યકર્તાઓ ઉપસ્થિત રહ્યા હતા.
ધ ન્યૂઝ વેવ રિપોર્ટ : સાજીદ સૈદા (માલીક, મુદ્રક, પ્રકાશક)
