નાંદોદ, રાજપીપળા
• નાંદોદ તાલુકાના વરખડ ગામમાં મુંબઈ પોલીસના ધામા
• વરખડ ગામેથી સુધીર પટેલના ઘરમાંથી સંદીગ્ધ કેમિકલ્સ મળી આવ્યા
• FSL અને ATS ટીમનું કેમિકલ્સનું સર્ચ ઓપરેશન : ચકાસણી દરમ્યાન ડ્રગસની હાજરી જણાઈ નથી
• વરખડ ગામેથી ટેમ્પો ભરીને પોલીસે મુદ્દામાલ કબ્જે કર્યો
નર્મદાના નાંદોદ તાલુકાના વરખડ ગામમાં મુંબઈ પોલીસ અને નર્મદા પોલીસની સંયુક્ત રેડ દરમ્યાન આજે વરખડગામેથી સુધીર પટેલના ઘરે રેડ કરી હતી રેડ દરમ્યાન ટેમ્પો ભરીને નશાકારક પદાર્થ તેમજ કેમિકલ્સ અને અન્ય સમાન કબજે કર્યો હતો.આ ચકાસણી માટે આજે વરખડ ગામે FSL અને ATS ટીમનું કેમિકલ્સ નું સર્ચ ઓપરેશન શરૂ થયું હતું.જેમાં વિવિધ પ્રકારના કેમિકલની ચકાસણી કરાઈ હતી. ચકાસણી દરમ્યાન ડ્રગસની હાજરી જણાયા ન હોતા. પોલીસે આ દિશામાં વધુ સંઘન તપાસ હાથધરી હતી.
મુંબઈના સાકીનાકા પોલીસ સ્ટેશનના પીઆઈ દિપક અને તેમની ટીમ ગઈકાલે આમ લેથા પોલીસ સ્ટેશને આવી હતી .એમની લેખિત રજૂઆત કરીને પોલીસ મદદની માગણી કરેલી . જે અનુસંધાને પીઆઇ આમલેથા, એલસીબી નર્મદા અને એસોજીની ટીમે મુસ્કાન સલીમ ખાન 101 ગ્રામ એમડી ડ્રગસ સાથે પકડાયેલ મુસ્કાનના સાથીદાર પપ્પુ ચૌધરી નર્મદાના આમલેથા પોલીસ મથકના વિસ્તારમાં આવેલ વરખડ ગામે રહેતા હોવાનું નિવેદનમાં જણાવેલ. તેઓ સુધીર પટેલ ના ઘરે રહેતા હોવાનો રિપોર્ટ આપેલો એ રિપોર્ટના અનુસંધાને મુંબઈ પોલીસ અને નર્મદા પોલીસ સાથે રહીને સંયુક્ત સર્ચ ઓપરેશન કરવામાં આવેલ.
સુધીર પટેલના ઘરનું સર્ચ ઓપરેશન કરતા એના ઘરમાંથી અલગ અલગ પ્રકારના કેમિકલ્સ મળી આવ્યા હતા. જેમાં કલોરો ફોર્મ, હાઇડ્રોક્લોરિક એસિડ,મીથાઇલ વગેરે મળી આવેલ. મુંબઈથી જે એમ ડી ડ્રગ્સ પકડાયેલ તેની તપાસમાં આ મુદ્દા માલ પોલીસે કબજે કરેલ છે. સાથે સાથે કામમાં વપરાયેલી અન્ય સાધન સામગ્રી ફ્રીઝ ડોલ વગેરે પણ જપ્ત કરી હતી.
વધુમાં આ જગ્યાએથી લિક્વિડ ફોર્મમાં એક દ્રવ્ય મળી આવેલ છે. આ લિક્વિડ દ્રવ્ય શું છે તે સ્પષ્ટ ન કરી શકતા એફએસએલ વાળાને બોલાવવામાં આવ્યા હતા. સાથે એટીએસ ની ટીમને પણ બોલાવવામાં આવી હતી.
એફ એસ સેલની ટીમે જગ્યા પર જઈને એ લીકવીડ દ્રવ્યની ચકાસણી કરતા એ પાત્રમાં કોઈપણ પ્રકારના ડ્ર્ગ્સ ની હાજરી પ્રાથમિક દ્રષ્ટિએ જણાઈ આવેલ નહોતી. એટીએસની ટીમે કીટ સર્ચ કરી હતી જેમાં તપાસ કરતા આ દ્રવ્યમાં અલગ અલગ પ્રકારના કેમિકલ્સની હાજરી જણાઈ આવી હતી.એમાં
એ.ટી.એસ.ની. ટીમ દ્વારા રામન સ્પેકટ્રોસ્પેક્ટ્રોમીટર કીટ મારફત ચેક કરતા (1) ઈથાઈલ પ્રિપેરેજીન (21.98 %), (2) યુરિયા નાઈટ્રેટ (20.62 %), (3) પાલમેટિક એસિડ(21.13 %) (4) પેઈન્ટ સ્ટ્રીપર (18.00 %) (5) નાઇટ્રો ગ્લીશરીન (19.51 %) એમ અલગ અલગ પ્રકારની કેમિકલ ની હાજરી જણાયેલ પરંતુ આ ચકાસણી દરમિયાન કોઈપણ પ્રકારના ડ્રગ્સની હાજરી જણાયેલ ન હતી.મહારાષ્ટ્ર્ર પોલીસને તપાસ સાથે રાખીને કરવામાં આવેલ છે. તમામ મુદ્દા માલનું પંચનામું કરી મુદ્દા માલ કબજે લીધેલ છે.
પોલીસના જણાવ્યા અનુસાર પપ્પુ ચૌધરી છેલ્લા બે વર્ષમાં ગામ લોકોના જણાવ્યાથી બે એક વખત અહીંયા જોવા મળ્યો હતો. છેલ્લા એક મહિનામાં દેખાયો હતો.પપ્પુ ચૌધરી અગાઉ પણડ્રગ્સના કેસમાં બે વખત યુપી અને મહારાષ્ટ્રમાં પકડાયેલ છે.
પકડાયેલા બે આરોપીઓ મુસ્કાન સલીમ અને પપ્પુ ચૌધરી બંને મહારાષ્ટ્રના રહેવાસી છે.સુધીર પટેલ હજુ સુધી નર્મદા પોલીસ કે મહારાષ્ટ્ર પોલીસના સંપર્કમાં આવેલ નથી.હવે મુદ્દામાલ લઈને મુંબઈ પોલીસ મહારાષ્ટ તરફ રવાના થઈ છે ત્યારે આગળની તપાસમાં ડ્રગ પ્રકરણના તાર ગુજરાત કે વરખડ સાથે જોડાયેલા છે કે નહીં તે તપાસ દરમ્યાન જ ખબર પડશે.
ધ ન્યૂઝ વેવ રિપોર્ટ : સાજીદ સૈદા (માલીક, મુદ્રક, પ્રકાશક)
